افضل ١٠ مواقع للهندسة المدنية 2022
المقال ده يعتبر كنز لكل شخص هدفه يكون مهندس مدني
لإننا جمعنالك قائمة بأفضل 10 مواقع للهندسة المدنية بالاضافة الى بعض التطبيقات المفيدة و قنوات اليوتيوب اللي اكيد مش هتستغنى عنها في شغلك
اولا المواقع :
1- موقع civilax
هو موقع متخصص في الهندسة المدنية بيقدم كورسات و ملفات متخصصه و شروحات في الهندسة المدنية و التصميم باستخدام البرامج و هو من المواقع المحدثه لمحتواها ب÷ستمرار لإنه بيضيف ما يقرب من 40 موضوع جديد اسبوعيا
تقدر تشوفه من هنا
2- موقع theconstructor
يعتبر من اقوى المصادر التعليمية لمتخصصي الهندسه المدنية من الطلبة و المهندسين هتلاقي عليه كمية كبيره من المقالات المفيده و بيضيف تقريبا 4 مواضيع جديده اسبوعيا
تقدر تدخل عليه من هنا
3- مجلة enr
هي مجلة بتهتم بأعمال المباني موجودة من عام 1874. بتقدم دايما أحدث بيانات صناعة البناء و التحليل و الأخبار الهامه و بتضيف تقريبا 30 مقال او موضوع جديد اسبوعيا .
تقدر تشوفها من هنا
4 - موقع جمعية news.asce
دي بقى الجمعية الأمريكية للمهندسين المدنيين (American Society of Civil Engineers) بتقدم ماده علمية في الهندسة المدنية و بتضيف تقريبا 6 مقالات جديده اسبوعيا .
تقدر تتابعها من هنا
5 - engineeringcivil
من أفضل مواقع الهندسة وهتلاقي عليه موضوعات في فروع كتير و غير كده الموقع بيقدم معلومات هامه و لكن بيضيف حوالي 3 مقالات فقط شهريا.
هتقدر تشوفه من هنا
6 - civildigital
ده موقع للمهندسين المدنيين و الطلاب هتلاقي عليه عروض تقديمية في الهندسة المدنية و كتب و مكتبة للفيديوهات التعليمية و بعض اختبارت الهندسة المدنية و أسئلة المقابلات الشخصية و بيضيف مقالات جديده بمتوسط حوالي 3 موضوعات بشكل شهري.
هتلاقيه هنا
7 - csengineermag
دي من اكتر المجلات المهمه لكل شخص بيهتم بالهندسة المدنية و المعمارية وبتضيف باستمرار بمتوسط 19 مقال جديد اسبوعيا .
هتلاقي المحتوى الهايل ده هنا
8 - ice
هي منظمة غير ربحية بتحتوي على كتيرمن المعلومات المفيده و الهامه في الهندسة المدنية وطبعا تقدر تسجل فالموقع و تستفيد من الكورسات و الدعم المعلوماتي من محترفين.
هتلاقيه هنا
9 - dailycivil
دي منصه تعليمية لجميع المهندسين المدنيين و يعتبر مصدر للمعرفة بكل شيء يتعلق بالهندسة المدنية..و بيضيف مقالات بمتوسط 2 مقال اسبوعيا
تقدر تشوفها من هنا
10 - civilengineeringforum
الموقع الاخير بقى بيقدم معلومات علمية و حديثة في الهندسة المدنية و القائمين عليه مجموعه من المهندسين الماليزيين المحترفين
وتقدر تدخل عليه من هنا
ثانياً ؛ التطبيقات :
1-FrameDesign
البرنامج ده بيدعم الرسومات و الصور و حتى الكتابة النصية .. من خلاله يمكنك إدخال هذه الإطارات في تعديل هياكل ثابتة للقوة ، و قادر على حساب الأحمالو قياس درجة القص و الإمالة و الإجهاد ، و جميع المصطلحات التي يعرفها المهندس أو المعماري ، وكمان عنده القدرة على حساب قوة ردة الفعل .. بالإضافة لـ كده ، بيقوم بقياس تركيبات الحمل بما في ذلك عوامل السلامة ، و كمان قياس الإنحرافات ، و بيوفر إمكانية استيراد ملفات DXF ، و بيتعامل مع تصميمات الخرسانة و تطبيقات تصميم الصلب .. و بيوفر لك التطبيق مختلف الملفات التي تتعلق بأمور الهندسة و القياسات ” المكتبات الهندسية ” و يضعها لك إذا كنت تحتاج لـ تحميلها من الملفات دي ” ملف الاتحاد الأوروبي ” ملف ” المملكة المتحدة ” ملف ” الاتحاد الافريقي ” و ملف ” الولايات المتحدة الأمريكية ” ، و أخيراً يوفر آلة حاسبة مدمجة مع التطبيق ..
2-AutoCAD
يتميز التطبيق ده بسهولة الإستخدام في عمليات الرسم الهندسي و صياغته ، و بيسمحلك بعرض و تحرير و مشاركة هذه الرسومات بين هاتفك و جهازك الحاسوب ، فمن خلاله سيوفر لك تبسيط الزيارات الميدانية و العمل الميداني مع مراجعة التصميم ، و يوفر لك جميع الأدوات المتاحة للهندسة و بدون إتصال بشبكة الواي فاي ..
تعليقات
إرسال تعليق